ببتدأ بالقصة .
أول شيء بعرفكُم على العوائل //
أبو أحمد وزوجته //
عندهم 4أولاد وبنت وحيده
الأولاد ::
(( أحمد ومحمد متزوجين , وجاسم وفهد ونوره )))
((فهد// وعمره 21 سنه يدرس في الهندسة )) ،
((جاسم // وعمره 18سنه في ثالث ثانوي )) ،
((نوره // وعمرها 16سنه في أولى ثانوي )) .
أعرفكم على عائلة أحمد وزوجته (( أم عماد وأبو عماد ))::
((عماد, وعمره 21سنه يدرس في الهندسة)) , ((طارق , وعمره 20سنه يدرس في الجامعة)) , ((لمياء , وعمرهاا 17سنه في ثاني ثانوي )) .
عائلة محمد وزوجته ((بو راكان وأم راكان )) ::
((راكان, وعمره 18سنه في ثالث ثانوي )) , ((عهود , وعمرهاا 20سنه )) , ((نجود , وعمرهاا 17سنه في ثاني ثانوي )) , (( عبد العزيز , وعمره 14سنه في ثاني متوسط )) .
طبعاً هم عائلة غنيه , عندهم مزرعه كبيره , وشركه يديرونها ، وطبعاً بيت أبو راكان ملاصق بيت أبوه أما أبو عماد فهو قريب منهم شوي .
عائلة أخت أم راكان واسمها (( أم عامر )) .
((عامر, وعمره 18سنه يدرس في ثالث ثانوي )) ,
((ندى , وعمرها 17سنه , في ثاني ثانوي )) , ((عبد الرحمن , وعمره 15سنه يدرس في ثالث متوسط )) ,
(( عبد الله , وعمره 5سنوااات )) .
أخو أم راكان // واسمه (( أبو فراس )) ::
(( فراس وعمره 21سنه يدرس في الجامعة )) ,
((مضاوي , وعمرها20 سنه تدرس في الكلية ))
أخو أم عماد // واسمه ((بو سعد)) ::
((سعد , وعمره 20 سنه يدرس في الجامعة )) ,
(( مي , وعمرها 16سنه تدرس في أولى ثانوي )) ,
((أروى , وعمرها 18سنه في ثالث ثانوي )) .
************************************************
صباح يوم السبت الساعة 6:00
كانت نجود في سريها وغاطه في سبعين نومه ,
دخلت عليها عهود
عهود وهي تصرخ: نجوووووود نجووود قومي يلا بسرعة تأخرتي .
نجود : عهيِّد ذلفي عن وجهي ماني رايقه لك .
عهود: مو رايقه لي , بكيفك أني الخسرانه بعدين بوصلك السواق .
نجود من سمعت طاري السواق فزت : لالا واللي يرحم والديك حلاص بقوم ما أبي أروح مع السواق الفاشل .
عهود وهي تبتسم : يلا ننتظرك تحت , لاتتأخرين .
نجود بادلتها نفس الإبتسامه : إن شاء الله .
قامت نجود وراحت دورة المياه ((الله يكرمكم )) تاخذ لها دش .
وبعد كذا طلعت مِن دورة المياه ((الله يكرمكم ))
إتجهت للمرايه ورتبت شعرها , بعد كذا خلصت ونزلت , شافت أخوها راكان ينتظرها وإختها عهود وعبد العزيز في السياره ينتظرونهم .
راكان : بسرعه واللي يرحم أمك أخرتينه .
نجود: وش فيكم علي اليوم ؟؟
راكان يوجه الكلام لأمه : يمه وش فيها بنتك ؟؟؟
أم راكان : يمه نجود أنتي كل مره تتأخرين وتدرين أن أخوك عنده مدرسه وعلى مايوصلكم ياخذ وقت , وأنتي تتأخرين .
نجود: أوووووف حتى أمي مع ركانوه .
راكان: هي أنتي عن الغلط .
نجود وهي واثقه مِن نفسها :: أنا ما خطأت .
ناظرها راكان بنظرات غريبه مافهمت معناها .
راكان : يلا مشيناا .
نجود: يلا .
ركبوا السياره وهم ساكتين على غير العاده , لأن راكان لو تكلم وتكلمت أخته نجود بيعصب وهو مايحب يعصب على إخواته .
وصلهم ومشى لمدرسته .
أول ما دخلت نجود الصف ركضت لها بيت خالتها ندى .
ندى : هلا والله وغلا .
نجود: هلا فيك .
ندى : وشفيك تأخرتي ؟؟
نجود : سكتي واللي يرحم والديك أخذت تهزئه محترمه مِن الوالدة وراكانوه .
((ندى قلبها صار ينبض بقوه من سمعت بإسم راكان , لكن هذي أول مره ينبض قلبها وبقوه , وماتدري وش السبب )).
ندى:: هههههه .
نجود : إي ضحكي وش رواك غير تطنزين علي .
ندى: بس غريبه ما غلبتي راكان .
نجود : كيف أغلبه ومعاه الست أم راكان .
ندى: ههههههههه بس بالصراحه تستاهلين اللي يصيرلك .
نجود ناظرتها بنظره : أنا أستاهل ؟؟
ندى: بالصراحه إي , كل مره تأخرينهم .
نجود تركت ندى وطلعت مِن الفصل .
ندى إستغربت منها ولحقتهااا .
وصارت تمشي معها بس وهم ساكتين , ندى تحاول تتكلم بس نجود ماتعطيها فرصه . إلى أن ضرب الجرس يعلن بداية الحصص .
أما في مدرسة الشباب .
راكان : السلام عليكم
الكل : وعليكم السلام .
جلس راكان جنب بندر صديقه .
وصار الشباب يتناقشون ويضحكون إلا راكــــان يبتسم إبتسامة مجامله لهم .
بندر إستغرب منه يعني مو مِن عوايده اللي خبره عنه يسولف ويضحك .
بندر همس لـ راكان : راكان وش بلاك ؟؟؟؟
راكان يتنهد تنهيده من قلب : آآآآه يابندر.
بندر: لاشكل السالفه شايده , قول لي وش بلاك ؟؟
راكان : بعدين يابندر.
عامر: ركان وش بلاك ؟؟
راكان يعمل نفسه مايدري : وش فيني.
عامر: أنا أسئلك , وجهك متغير .
راكان ماصار يستحمل .
همس لـ بندر أنهم يقومون .
بندر : نستأذن شباب .
الشباب: أذنكم معاكم .
ركان حب يكون مرح مثل قبل وحب يبعد الشكوك عنه : ندري أن إذنه معنا أجل معاكم .
الشباب: ههههههههه
راكان وبندر: يلا باي .
الشباب: باي .
إتجهوا راكان وبندر لجهه غير عن جهة الشباب ووقفوا في مكان يعني الأولاد مو كثيرين فيه .
بندر : يلا تكلم راكان تراك عورت قلبي عليك وش بلاك ؟؟
راكان : ..................
أكتفي بهذا القدر ..
يلا عطوني رايكم بالقصه ..
إن شاء الله إعجبتكم .
وإذا دخلت المنتدى المره الجايه أبي أشوف ردود ..يلا عاد لاتخيبوني فيكم .
أنتظر تفاعلاتكم وردودكم بالقصه .
*************************************
تتوقعون هل ندى تحب راكان ؟؟؟
وراكان وش فيه ؟؟؟
موضوع: لا يفوتكم روايه مررررررررره حلوه وتقهر 
العب باعصابكم ههههههههههههههههههههههههههههههههههههههه
